जलीय जैविक स्रोत अनुसन्धान कोष  (Aquatic Bio-Resources Research Fund) को छात्रवृत्ति सम्बन्धी शोधपत्र प्रस्ताव आव्हानको सूचना

www.nefis.org.np मा प्रकाशित मिती २०८३/०३/०८ (22 June 2026)

मत्स्य र अन्य जलचरहरूको वर्गिकरण विज्ञान र नामपद्धति‚ सम्बन्धी लगायत अन्य जलीय जैविक स्रोतको अध्ययन अनुसन्धानबाट नेपालको जलीय सम्पदाको संरक्षण र दिगो सदुपयोगमा सघाउ पुर्‍याउने उद्देश्यले यस समाजद्वारा “जलीय जैविक स्रोत अनुसन्धान कोष (Aquatic Bio-Resources Research Fund)“ स्थापित गरिए अनुरुप १(एक) जना शोधकर्तालाई बढीमा रु. ५०,०००।- (अक्षरेपी पचास हजार रूपैयाँ) मात्र छात्रवृत्ति प्रदान गरिनेछ। यस कोषबाट शैक्षक शत्र २०८३ को लागि छात्रवृत्ति प्राप्त गर्न चाहेका सम्भाव्य उम्मेदवारले नेपालको कुनै विश्वविधालय वा शिक्षण संस्थामा मत्स्य विज्ञान अन्तर्गत एम.एस्सी./एम.फिल/पिएच.डी. डिग्रीको लागि आंशिक वा पूर्णकालीन अनुसन्धानमा संलग्न रहेको हुनु पर्नेछ। जलीय जीवको Taxonomy सम्बन्धी विषयमा आफ्नो शोधपत्र तयारीको लागि अनुसन्धान गर्न इच्छुक बिद्यार्थीहरुले नेपाल मत्स्य समाज समक्ष आवेदन दिन सक्नेछन्। इच्छुक बिद्यार्थीहरुले आफ्नो आवेदन पेश गर्दा अध्ययनरत संस्थाको सुपरिवेक्षक र विभागीय प्रमुखबाट स्वीकृत अनुसन्धान प्रस्ताव सहित जलीय जैविक स्रोत अनुसन्धान कोष व्यवस्थापन तथा कार्यान्वयन कार्यविधि–२०७८ को अनुसूची २ अनुसार तोकिएको फर्मेटमा आवेदन फाराम (Fellowship Application Form) यही २०८३।०४।०6 (22 July 2026) भित्र समाजको इमेल nefis.office@gmail.com मार्फत Scan Attachment वा कार्यालयमा सोझै आबश्यक कागजात सहित पेश गर्नु पर्नेछ।

पुनश्चः अनुसन्धान कोष सम्वन्धी विस्तृत जानकारीका लागी जलीय जैविक स्रोत अनुसन्धान कोष (Aquatic Bio-Resources Research Fund) व्यवस्थापन तथा कार्यान्वयन कार्यविधि – २०७८ यस समाजको वेभसाईट www.nefis.org.np बाट प्राप्त गर्न सकिनेछ। थप जानकारीका लागी मोबाईल नम्बर 9851114098, 9843622040 र ९८४७०28462 मा सम्पर्क गर्न सकिने छ। Scan Attachment को हकमा आबश्यक परेमा समाजले सक्कल माग गर्न सक्नेछ।